A provincia de Pontevedra suma 115.094 parados
Por Oskar Viéitez
A provincia de Pontevedra suma 115.094 parados.
O mes de xaneiro pechou na provincia con 4.628 desempregados máis que en decembro.
Foi a provincia galega na que máis subiu o paro, seguida da Coruña (114.560 parados, con 4.585 máis), Ourense con 31.841 parados (1.434 máis); mentres que Lugo contabilizou 29.295 parados, 1.356 máis.
O primeiro mes do ano rematou con subidas que achegan a Galicia aos trescentos mil desempregados, en concreto, sitúase en 290.790.
A galega foi a quinta comunidade que sumou máis parados en xaneiro, só superada por Andalucía, Madrid, Valencia e Cataluña.
Un total de 12.003 galegos inscribíronse no paro o pasado mes de xaneiro o que supón un aumento do 4,31 %, respecto ao mes de decembro do 2012.
En términos anuais, o paro subiu en xaneiro en 19.506 persoas, un 7,19 % máis que en xaneiro do 2012.
A nivel nacional, o paro subiu en 132.055 persoas respecto de decembro, co que o total de parados chegou a 4.980.778 (o 2,72 % máis). Desde xaneiro do 2012 o desemprego aumentouse en 380.949 persoas, o 8,28 %.