No que vai de ano 30 ciclistas foron sancionados por Tráfico
Por Oskar Viéitez
A Asociación Pedaladas mantivo este martes unha "cordial" reunión coa Xefa Provincial de Tráfico na que lles facilitaron datos oficiais sobre os expedientes sancionadores a ciclistas iniciados pola Garda Civil.
No ano 2012 foron 21, no 2013 foron 32, no 2014 un total de 64, no 2015 foron 79 e o número de expedientes ata o 16 de marzo de este ano 2016 é de 30.
Dende Pedaladas valoraron que o aumento de expedientes "é un reflexo do aumento de ciclistas pero tamén dunha lóxica maior vixilancia que nós aplaudimos e solicitamos nas reunións. Os feitos denunciados non son menores, nós temos que facer o posible por mellorar a seguridade viaria sempre entendendo que somos un colectivo vulnerable e ó final dependemos de que os condutores de automóbil se comporten xa que levan un vehículo con capacidade para matar".
Infraccións:
- Non respetar luz roja en semaforo: 12
- Drogas: 51
- Alcohol: 11
- Non usar casco reglamentario: 46
- Circular por Autovía no estando permitido: 4
- Usar auriculares: 7
- Conducción neglixente: 2
- Non respectar os sinais de prohibición: 5
- Non circular pola beiravía cando é obrigatorio: 6
- Non usar luces despois do ocaso: 10
- Conducir facendo uso do teléfono móbil: 4
"Estas condutas hai que erradicalas, son riscos para a propia integridade, para a seguridade do tráfico e contra a convivencia que se debe dar na estrada. Non busquemos escusas, todos coñecemos as normas", sinalaron nun comunicado.
Ademáis na xuntanza con Xefa Provincial de Tráfico falouse da campaña emprendida por la Asociación Pedaladas para dar difusión á distancia lateral mínima de 1.5 metros nos adiantamentos a ciclistas.
Tamén solicitaron un incremento do número de radares fixos e móviles na provincia primando vías con alta presencia de colectivos vulnerables, a sinalización vertical nalgúns viais coa lenda "Advertencia ciclista" e pediron "rigurosidade" cos elementos non permitidos nas beiravías.
Asimesmo queren que Tráfico informe ás administracións da sinalización incorrecta e que se racionalice a banda rugosa e os capta faros e que se avise aos axentes de que fagan atestado mesmo nos accidentes máis leves.
A Asociación Pedaladas aboga por establecer canles de comunicación coa Xefatura de Tráfico para comunicar problemáticas ou suxerir solucións.
Relacionadas:
-
As infraestruturas non son neutras nos sinistros viarios
Por Oskar Viéitez |
-
Os atropelos na cidade, baixo mínimos: houbo 34 en 2015 e ningún con falecidos
Por Alejandro Espiño |
-
Comuneiros e ciclistas comparten unha xornada de traballo no monte para o control de especies invasoras
Por Redacción |
-
Asociacións de defensa dos ciclistas denuncian 19 condutores por non respectar a distancia de seguridade
Por Redacción |