Amplían o prazo para presentar ideas ao 'Espazo CreActivo'
Por Redacción
A convocatoria de ideas para dotar de contido ao Espazo CreaActivo amplíase ata o próximo 15 de abril.
Así o anunciou o Concello de Pontevedra, impulsor do proxecto xunto a través da concellería de Promoción Económica en colaboración da Vicerrectoría da Universidade de Vigo.
Con este concurso de ideas preténdese buscar un contido apropiado para o edificio municipal de Santa Clara e adecualo como un espazo multidisciplinar. A participación nesta fase consiste na presentación xeral da idea, xa que o seu desenvolvemento corresponderá a unha fase posterior da convocatoria.
A intención é implicar ao estudantado do campus no proceso, que busca "unir e enriquecer aos participantes e ao tecido emprendedor da cidade", sinalan desde o Concello. Terán cabida, explican, ideas orientadas á "reutilización, embelecemento do espazo e dotación de contidos e actividades".
A selección da proposta gañadora realizarase por un xurado independente en base á súa orixinalidade e viabilidade técnica. A dotación económica como premio para o proyexto escollido é de 500 euros.
Relacionadas:
-
Un gran debuxo do heroe Teucro humanizará o edificio municipal de Santa Clara
Por Redacción |
-
Máis de vinte proxectos optan a dar forma ao novo espazo do emprendemento local
Por Redacción |
-
O edificio municipal de Santa Clara, novo "berce" do emprendemento local
Por José Alberto Graña Pérez |
-
Na procura de ideas viables entre os universitarios para o edificio municipal de Santa Clara
Por Anxo Lourido |