AGE reclama no Parlamento "unha solución satisfactoria" para o parque forestal de Cotorredondo
Por Redacción
Alternativa Galega de Esquerda (AGE) vén de rexistrar diversas iniciativas parlamentarias para esixir "unha solución satisfactoria" para os terreos do parque forestal de Cotorredondo. O viceportavoz de AGE Antón Sánchez concorda coa comunidade de montes do lugar, que defende a creación dun xardín botánico, e insta á Xunta a "iniciar un diálogo" con ela.
A Consellaría de Medio Ambiente anunciou a comezos do ano en curso o traslado a Cotobade do Centro de Recuperación de Fauna Silvestre do parque forestal de Cotorredondo.
A comunidade de montes da zona presentou daquela ao goberno galego un plan construír nesa localización un xardín botánico. A súa intención é a vontade de dotar o monte dun "novo incentivo" que atraia aínda máis persoas das que xa visitan o lugar, sobre todo nas fins de semana.
Alternativa Galega de Esquerda apoia as reivindicacións da comunidade de montes e insta á Xunta a que estude a proposta do xardín botánico ou "un acordo satisfactorio" para o parque forestal de Cotorredondo.
Relacionadas:
-
Medio Ambiente licita por 700.000 euros a construción do centro de recuperación de fauna silvestre en Cotobade
Por Oskar Viéitez |
-
O traslado a Cotobade do centro de recuperación da fauna silvestre de Cotorredondo, optimización ou despilfarro?
Por Oskar Viéitez |
-
Bota a andar ao grupo de traballo para "salvar" Castiñeiras
Por Redacción |
-
O PSOE intenta sen éxito forzar no Parlamento que a Xunta entre na Fundación Lago de Castiñeiras
Por Redacción |
-
Críticas á marcha do Centro de Fauna Salvaxe de Castiñeiras para Cotobade
Por Redacción |