En Marea presenta no Congreso unha iniciativa solicitando que se anule a prórroga a ENCE
Por Redacción
Os deputados de En Marea veñen de presentar no rexistro do Congreso dos Deputados unha proposición non de lei para solicitar a anulación da prórroga da concesión por 60 anos máis a Ence, pois "foi unha prórroga asinada en Madrid e baseada na arbitrariedade, sen escoitar a opinión nin da cidadanía galega nin dos habitantes de Pontevedra, Marín e Poio".
A iniciativa inclúe, ademais, a petición de que se derrogue a Lei de Protección e Uso Sostible do Litoral (2013) e que se modifiquen o Regulamento Xeral de Costas e a Lei de Costas adaptado ad hoc para “converter a caducidade da concesión nuha especie de amnistía ” permanente para Ence.
A deputada de En Marea por Pontevedra, Ángela Rodríguez, anunciou que "empregaremos todas as vías legais e xurídicas en colaboración con colectivos coma Salvemos Pontevedra, para conseguir que a ría volva a ser da xente".
En Marea non descarta recorrer á vía xudicial se este goberno en funcións ou o novo executivo que o suceda non dan "un paso atrás " na concesión de Ence.
"No seu momento haberá que valorar se todos estes despropósitos administrativos e contra o medio natural poden ser constitutivos de delictos contemplados no Código Penal", sentencia En Marea.
Relacionadas:
-
O Concello traballa nunha iniciativa lexislativa para derogar a Lei de Costas e botar a Ence da ría
Por Redacción |
-
Defensa da ría de Pontevedra pide a nulidade da prórroga de ENCE nun recurso de alzada ante Medio Ambiente
Por Oskar Viéitez |
-
En Marea rexeita a "chantaxe" do PSOE coa proposta de "revisar" a prórroga de ENCE
Por Oskar Viéitez |
-
A Xunta demanda a ENCE máis inversións ambientais que as contempladas na prórroga
Por Redacción |