Último impulso ás obras de construción do novo centro de saúde de Marín
Por Redacción
O bo ritmo nas obras de construción do novo centro de saúde de Marín, que está previsto rematen na primavera, permitiu que técnicos e responsables políticos de Sergas, Concello e Xunta realizasen este martes unha visita polo interior das instalacións.
Coa parte exterior do Punto de Atención Continuada (PAC) case terminadas, a visita dirixiuse cara ao semisótano onde se situará a fisioterapia, a planta baixa co hall de entrada e as consultas de toma de mostras e pediatría e a primeira planta, onde estarán as consultas médicas e enfermaría de atención primaria, a sala de matronas e radioloxía.
Na visita estiveron presentes, entre outros, o conselleiro de Sanidade, Jesús Vázquez Almuiña, ou a alcaldesa de Marín, María Ramallo, ademais de representantes de Sergas e empresa construtora. Entre outros asuntos, tratouse de coordinar coa dirección de obra a compra do material e equipamento necesario para a súa pronta instalación.
O novo centro de saúde de Marín terá unha superficie asistencial de preto de 3.800 metros cadrados e a súa construción conta cun investimento de máis de 5,2 millóns de euros.
Relacionadas:
-
A inauguración do centro de saúde de Marín, pendente das obras complementarias
Por Redacción |
-
Acondicionan a contorna do novo centro de saúde de Marín
Por Oskar Viéitez |
-
Comeza a fase de equipamento e planificación loxística e de persoal no novo Centro de Saúde de Marín
Por Redacción |
-
O conselleiro de Sanidade presentará unha fórmula de consenso hospitalario para Pontevedra
Por Mónica Patxot & Anxo Lourido |
-
As obras de construción do novo centro de saúde de Marín "avanzan dacordo coas previsións"
Por Redacción |
-
O novo centro de saúde de Marín colle altura
Por Redacción |