Sanxenxo presiona á Xunta para asfaltar a rúa Progreso antes de Semana Santa
Por Redacción
A concelleira de Seguridade Cidadá de Sanxenxo, Vanessa Rodríguez, remitiu un novo escrito á delegación territorial da Xunta en Pontevedra e ao director provincial de Infraestruturas reclamando o asfaltado os tramos urbanos da PO-308, nas rúas Progreso e Avenida de León.
A intención do goberno local é que os traballos, un compromiso adquirido no seu momento pola administración autonómica como titular da vía, se poidan realizar "sen máis dilación" e antes de Semana Santa debido á previsible afluencia de turistas durante esas datas e o mal estado que presentan.
O escrito remitido pola concelleira vai acompañado por un amplo informe policial no que diversas fotografías documentan graficamente o estado da estrada.
A reforma integral da rúa Progreso foi unha das primeiras peticións que o alcalde, Gonzalo Pita, formulou á Consellería tras a súa toma de posesión como alcalde ao tratarse de "unha arteria fundamental da vila e que é obxecto de constantes arranxos debido ao pésimo estado dous seus servizos e que carece doutros imprescindibles como o de recollida de augas pluviais", explicou o rexedor.
Por outra banda, a concelleira de Seguridade Cidadá aproveitou a carta para lembrar a necesidade "urxente" de habilitar un paso de peóns no lugar do Vinquiño.
Relacionadas:
-
Sanxenxo insistirá para que a Xunta amplíe a reforma da PO-308 ata Major
Por Redacción |
-
Gonzalo Pita reitera á Xunta a petición de reforma dos treitos urbanos da PO-308
Por Redacción |
-
Sanxenxo traslada á Xunta a petición de mellora de seguridade viaria nas Salinas, O Vinquiño e A Vichona
Por Redacción |