Quince creadores pontevedreses participarán na primeira Sétima Feira
Por Redacción
O sábado 13 de febreiro é o día da Sétima Feira. Quince postos cheos de creatividade participarán na primeira edición deste evento cultural que, debido á chuvia, celebrarase no primeiro andar do Mercado de Abastos a partir das once da mañá.
Sétima Feira é unha iniciativa que busca dinamizar a escena creativa da vila favorecendo un espazo para a venda e o emprendemento, apostando pola colaboración entre os novos creadores e o comercio local.
Nesta primeira edición participarán EME Clothes and Bags (roupa e bolsos), Estudio de Caligrafía María Sancho, a creadora de bolsos e complementos Marly, O'Ras (artista en graffiti), La Platanera (deseño), Mis galletas y otras cosas (pastelería e cociña), Anaí Lago (artista), Pandora Fanzine (creación multidisciplinar), Estrellas o Limones (tenda infantil), Papp UV (gafas de sol ecolóxicas), Lara Torres (ilustración), Evasión (artes plásticas), Droguería Moderna, Carballo Estrela (moda), Lagasca Vintage (moda e accesorios vintage) e Estudio Pacheco (deseño gráfico e fotografía).
Ademais, haberá unha pulpeira e actividades infantís creativas e haberá música en directo coa actuación do grupo Australia e o DJ JC.
Estas foron as iniciativas seleccionadas tras un proceso de convocatoria e selección que se repetirá todos os meses. Neste sentido, para a seguinte edición, que terá lugar no segundo sábado de marzo, xa está aberta a convocatoria.
Relacionadas:
-
Trae estes produtos á Sétima Feira máis solidaria e serás de gran axuda
Por Redacción |
-
A segunda Sétima Feira estará dedicada ao téxtil
Por Redacción |
-
A imaxinación aniña na primeira planta do Mercado
Por Redacción |
-
O grupo Australia e o DJ JC poñerán a nota musical á Sétima Feira
Por Redacción |
-
A 'Sétima Feira' sacará á rúa a arte e a moda dos creadores e emprendedores un sábado ao mes
Por Natalia Puga & Mónica Patxot |