A reforma da estrada PO-234 é a "crónica dunha cacicada anunciada"
Por Redacción
O alcalde de Ponte Caldelas, Andrés Díaz ve nas palabras do delegado territorial da Xunta, José Manuel Cores Tourís "a crónica dunha cacicada anunciada" en referencia á estrada PO-234 entre Laxoso e Augasantas e "a búsqueda dunha xustificación para arranxar o vial no termo municipal de Cotobade, o que ten menos perigosidade e onde goberna o PP, e como xeito de castigar aos veciños de Ponte Caldelas por ter mudado de goberno en 40 anos", asegurou o rexedor.
Andrés Díaz manifestou o seu desexo de non convertir nunha "liorta política" unha cuestión de "interese xeral para os cidadáns", como é a mellora da estrada PO-234.
Por iso, trasladará a información e as medidas a tomar colectivamente polos veciños e o Concello de Ponte Caldelas a unha próxima asemblea na Casa do Pobo de Laxoso para analizar en profundidade "un grave problema de seguridade vial que pon en serio risco, diariamente, a vida das persoas e sobre o que está a actuar con total irresponsabilidade o goberno da Xunta", indicou o alcalde.
Díaz asegura que esta "estratexia de dilación da Xunta para favorecer aos concellos gobernados polo PP" enmárcase dentro da "campaña de acoso e derribo" á que é sometido o Concello de Ponte Caldelas con inspeccións "por terra, mar e aire que non se viron en décadas e que teñen sobrecargados aos funcionarios en presentar todo tipo de papeleo que está entorpecendo o normal desenrolo da actividade municipal".
Relacionadas:
-
Nace a plataforma de afectados pola PO-234 cun cento de persoas anotadas
Por Redacción |
-
O alcalde de Ponte Caldelas convida ao PP a asistir á asemblea cos veciños de Laxoso
Por Redacción |
-
O PP de Ponte Caldelas esixe a Andrés Díaz "que non culpe a outros da súa incompetencia"
Por Redacción |
-
A Xunta acusa ao alcalde de Ponte Caldelas de non coñecer o seu propio concello
Por Redacción |
-
O alcalde de Ponte Caldelas acusa á Xunta de "parapetarse en Cores Tourís" para "botar balóns fóra"
Por Oskar Viéitez |
-
Andrés Díaz acusa á conselleira de infraestruturas de "demagoga" coa estrada Laxoso-Augasantas
Por Redacción |
-
Ponte Caldelas solicita á Xunta unha xuntanza urxente para abordar o problema da atención de emerxencias
Por Redacción |
-
O goberno local de Ponte Caldelas advirte que a "pasividade" da Xunta está a "soliviantar" aos veciños
Por Redacción |
-
Os veciños de Augasantas demandan o ensanche da estrada PO-234 a Ponte Caldelas
Por Redacción |