Proxectan a reforma da zona verde entre a rúa da Estación e Josefina Arruti
Por Redacción
O Concello reformará a zona verde situada na rotonda de entronque das avenidas da Estación e Josefina Arruti, onde se atopaba o Centro de Arte Jaime Trigo.
Así o avanzou o concelleiro Luis Bará, que recoñeceu que se trata dun espazo que se atopa en mal estado e no que é preciso intervir para eliminar os afundimentos na beirarrúa e reparar toda a zona verde.
O proxecto contempla refacer a beirarrúa pegada ao edificio e intervir na zona verde creando sendas con madeira e xabre, onde se instalará mobiliario urbano como papeleiras e bancos.
Tamén se plantarán novas especies como setos, cipreses, hibiscos, arces, entre outros, ademais de céspede e iluminación.
Luís Bará destacou que se trata dunha actuación pequena pero que vai a mellorar a imaxe deste espazo, así como a seguridade e accesibilidade dos peóns, ofrecendo máis comodidade aos veciños.
As obras comezarán no prazo aproximado de dúas semanas, unha vez que rematen os traballos que se están a realizar na praia fluvial e o carril-bici que o Concello está a completar cara o campus.
Relacionadas:
-
As obras volven á avenida de Vigo para completar a súa reforma urbana ata O Pino
Por Alejandro Espiño |
-
Comezan os traballos para levar o carril-bici até o campus universitario
Por Redacción |
-
O Concello comeza a remodelación estética na parcela sur de Pasarón
Por Redacción |
-
Unha avenida para "unha muller valente, unha nai coraxe"
Por Cristina Saiz & Oskar Viéitez |