A Xunta aplaudiría a creación dunha planta de biomasa de Ence fronte ás reticencias do Concello
Por Redacción
O estudo que Ence anunciou para contemplar a creación dunha planta de biomasa de 40 megawatts en Pontevedra, coa posibilidade de crear 750 novos empregos, provocou reaccións atopadas entre as diferentes institucións. Desde a Xunta de Galicia, o vicepresidente Alfonso Rueda manifestou que este proxecto supoñería a creación de moitos postos de traballo e lembrou ao Concello que Pontevedra non se pode permitir perder emprego ao ser a cidade galega con máis índice de paro.
En todo caso, Alfonso Rueda afirmou que este estudo de Ence non significa que a empresa xa teña garantida a súa continuidade nas actuais instalacións en Lourizán. Indicou que ata que todo depende do ministerio de Medio Ambiente. Pero insistiu en enfocar as súas críticas cara ao Concello de Pontevedra alegando que o goberno de Fernández Lores non ten problemas en que a empresa se vaia e que se perdan moitísimos postos de traballo, tanto directos como indirectos.
Na mesma liña manifestábase a alcaldesa de Marín, María Ramallo, que entende que a continuidade de Ence xera un debate profundo e que hai que ter en conta aos traballadores.
Desde o Concello de Pontevedra, a concelleira de Medio Ambiente, Carme da Silva, afirmou que a Xunta nunca pon malos ollos ao que diga Ence e afirmou que este proxecto da planta de biomasa pareceríalles correcto se a proposta realízase nun espazo propio e non nos terreos ocupados na ría de Pontevedra.
En relación ao número de postos de traballo que se xeraría nesa planta, a concelleira reclamou rigor á empresa e preguntouse cantas plantas destas características teñen ese número de traballadores. Como consecuencia entende que se trata dunha campaña publicitaria de Ence e cuestionou a ética desta proposta ante a enorme cantidade de parados que existen na comunidade.
Da Silva insistiu en que espera que un goberno en funcións, en referencia ao actual de Mariano Rajoy, non teña a "ousadía" de conceder a prórroga para que a empresa continúe en Lourizán.
Relacionadas:
-
Rexeitada a moción do PP para buscar terreos para a planta de biomasa de Ence
Por Redacción |
-
O PP pide ao Concello que lle busque a ENCE terreos para a súa planta de biomasa
Por Oskar Viéitez |
-
Lores, contra ENCE "por terra, mar e aire"
Por Alejandro Espiño |
-
ENCE estuda a construción en Pontevedra dunha nova planta de biomasa
Por Redacción |
-
Ence ofrece ao alcalde a súa colaboración para o pacto municipal polo emprego
Por Redacción |
-
Defensa da Ría solicita a consideración como parte interesada no expediente da prórroga de ENCE
Por Oskar Viéitez |