O PP insta á creación dunha comisión de investigación sobre Cespa e Aquagest
Por Redacción
O grupo municipal do Partido Popular vén de presentar unha moción co fin de lograr a creación dunha comisión de investigación que permita esclarecer "as vicisitudes na execución e desenvolvemento dos dous principais contratos de servizos que mantén o Concello de Pontevedra con empresas privadas": o contrato de recollida de residuos sólidos con Cespa e o contrato de subministro da auga con Aquagest-Viaqua.
Esta medida xa fora anunciada polo portavoz popular, Jacobo Moreira, o pasado mes de outubro.
Os populares "somos prudentes, cremos na presunción de inocencia, pero ante a existencia dun informe policial, incorporado aos autos da Operación Patos e os rexistros realizados neste Concello en relación á Operación Pokemon, faise necesaria unha investigación interna", sinalou este luns Jacobo Moreira.
Neste senso, segundo o PP, a investigación que se leve a cabo debe basearse en tres premisas. Por unha banda, o alcalde e os outros membros do goberno local cuxos nomes aparezan reflectidos no informe policial non participarán na investigación; pola contra, si participarán todos os membros da corporación municipal actual, e ademais esta investigación interna será totalmente transparente.
Relacionadas:
-
Expedientan a Cespa por non comparecer ante o Concello para informar sobre as contratacións
Por Natalia Puga |
-
O Concello entregará no prazo de cinco días a documentación solicitada polo PP sobre Aquagest
Por Alejandro Espiño |
-
O PP denuncia que o Concello lle nega o acceso á documentación relativa a Aquagest
Por Alejandro Espiño |
-
Aduanas busca expedientes de Aquagest no Concello de Poio por orde da xuíza da Pokemon
Por Oskar Viéitez | Creada e actualizada
-
Legísima lamenta o "dano mediático" da investigación sobre Aquagest: "No Concello ningúen esconde nada"
Por Alejandro Espiño | Creada e actualizada