Diario de Pontevedra prescinde de Antón Galocha tras trece anos como director
Por Redacción
Diario de Pontevedra decidiu prescindir dos servizos do xornalista Antón Galocha, logo de trece anos como director da cabeceira. A noticia foi comunicada aos traballadores do xornal pola presidenta do Grupo El Progreso, propietario de Diario de Pontevedra, Blanca García Montenegro.
O despedimento prodúcese, segundo a empresa, única e exclusivamente por motivos económicos. O seu substituto á fronte da dirección do xornal será Pedro Pérez, ata agora subdirector de Diario de Pontevedra.
Director de Diario de Pontevedra desde o ano 2000, Antón Galocha é profesor na Facultade de Ciencias da Comunicación da Universidade de Santiago de Compostela. Foi redactor de El Ideal Gallego, Radio Popular de Lugo e La Voz de Galicia e formou parte dos equipos fundacionales de A Nosa Terra, Radio Galega e Televisión de Galicia. Nesta última dirixiu múltiples espazos informativos, entre eles os telexornais de máxima audiencia,
Baixo a súa dirección, Diario de Pontevedra afianzou a súa posición entre os principais xornais de Galicia e afrontou un ambicioso proxecto de redeseño da cabeceira, labor gráfica que foi recoñecida en múltiples ocasións polos Premios ÿH ao mellor deseño xornalístico de España e Portugal ou polos European Newspaper Awards, nos que se valora o mellor deseño da prensa europea.