2.372 axentes velarán pola seguridade na provincia durante a xornada electoral
Por Redacción
A poucas horas de que conluya a campaña electoral, Pontevedra prepárase para o 20-D, día no que os cidadáns elixirán ao que será durante o próximos catro anos o seu presidente do Goberno.
En total están chamados ás urnas un total de 901.969 pontevedreses, 31.391 deles novos electores ao alcanzar a maioría de idade.
Deberán depositar o seu voto nas 2.684 urnas habilitadas das 1.342 mesas e 692 colexios electorais designados.
Gran parte deste material almacenouse no parque móbil da Subdelegación do Goberno, visitado este xoves polo subdelegado, Antonio Coello.
O Goberno informa ademais que durante a xornada electoras 2.372 axentes velarán pola seguridade na provincia de Pontevedra.
Por outra banda 16.444 pontevedreses exerceron xa o seu dereito ao voto por correo, cifra á que se suman 7.094 residentes no estranxeiro e 308 persoas que se atopan fóra de España de maneira temporal.
Relacionadas:
-
O PSOE queda sen representación pontevedresa no Senado
Por Diego Espiño |
-
O PP mantense como partido máis votado na provincia, con En Marea como segunda forza
Por Diego Espiño | Creada e actualizada
-
Os pontevedreses acoden á cita coas urnas
Por Diego Espiño & Diego Torrado |
-
As prazas da Ferrería e A Verdura centran a xornada de reflexión pontevedresa
Por Redacción |