Paraugas vermellos na Ferrería por unha sanidade pública
Por Redacción
Profesionais e usuarios dos hospitais de Pontevedra concentráronse, dentro do calendario de actos que desenvolven ao longo do ano, ante a árbore de Nadal instalado na Praza da Ferrería durante este domingo 13 de decembro.
Portando paraugas de cor vermella nos que se podía ler Sanidade Pública, os integrantes desta protesta despregaron unha pancarta para manifestar a súa oposición á privatización do sistema sanitario, tal e como entenden que se está levando a cabo desde a consellería de Sanidade.
Durante todas as fins de semana, membros deste colectivo realizan concentracións na praza da Peregrina co obxectivo de sensibilizar aos cidadáns ante o que entenden é un desmantelamento dos servizos sanitarios públicos.
Entenden que a pesar do amplo respaldo popular á manifestación convocada pola plataforma SOS Sanidade Pública en Pontevedra hai un mes, o pasado 13 de novembro, a situación nos centros hospitalarios en Pontevedra continúa igual e reclaman melloras inmediatas no Hospital Montecelo.