Un accidente múltiple na AP-9, en Barro, sáldase cun condutor ferido
Por Redacción
Entre catro e sete coches víronse implicados nun accidente múltiple no quilómetro 119 da AP-9 ao seu paso polo municipio de Barro.
O suceso, que segundo fontes do 112 se produciu arredor das 12:00 da mañá deste martes en dirección Santiago, saldouse cun ferido e problemas de circulación na autoestrada.
O condutor que resultou ferido, un home de 49 anos, foi trasladado polo 061 ao Hospital Miguel Domínguez de Pontevedra con prognóstico leve.