Os Palleiros ilustra o seu calendario 2016 con selfies de familias e cans adoptados
Por Redacción
A asociación Os Palleiros puxo en marcha unha nova campaña especial de recollida de fondos, que este mes de decembro terá dous protagonistas principais: un calendario solidario de 2016 que xa está á venda e un rastro solidario o día 20 na praza de Ourense.
Carmen Vázquez e Gloria Cubas, de Os Palleiros, presentaron a campaña este xoves acompañadas pola concelleira Pilar Comesaña e rodeadas dos efectos utilizados para recadar fondos que lles permitan sufragar os gastos da protectora de animais de Campañó, que eles xestionan e na que hai na actualidade 117 cans adultos, 18 cachorros e varios cans en acollida.
Os animais adoptados ao longo do último ano e as familias que llos levaron son os protagonistas do calendario 2015, no que este ano optaron por incluír selfies que previamente pediran aos adoptantes. Inclúense unhas 90 fotos distintas, seis por mes e 18 en portada.
O rastro solidario do 20 de decembro será entre as 11.00 e as 19.00 horas e ten como obxectivo recadar fondos, pero tamén outro tipo de elementos que necesitan no seu día a día para atender aos cans, tales como pipetas, colares, comida, medicamentos... As persoas que realicen un donativo poderán poderán colgar nunha árbore de Nadal de gran tamaño unha foto dun can.
Ademais, están a vender rifas e deseñaron novo material promocional. Así, ás habituais sudadeiras dos Palleiros á venda a 25 euros, sumáronse forros polares que se venden a 20 euros.
Relacionadas:
-
O calendario 2018 de Os Palleiros busca rachar cos estereotipos sobre os cans potencialmente perigosos
Por Natalia Puga |
-
Todos desexan ser Kruggy
-
Entregan 150 quilos de tapóns de plástico a Os Palleiros para as súas campañas solidarias
Por Redacción |
-
Kruggy atopa un novo fogar tras ser 'apadriñado' por Dani Rovira
Por Redacción |
-
Brutal lanzamento dun can sobre o valado da Protectora de Animais
Por Oskar Viéitez |
-
Nesta canceira vívese mellor
Por Natalia Puga & Mónica Patxot |