Resístese a segunda estrela Michelín para Pepe Solla
Por Oskar Viéitez
A restauración galega non alcanza ningunha dobre estrela Michelín pero suma unha nova incorporación co restaurante compostelán Casa Marcelo, co que son 13 os establecementos galegos que se introducen nesta lista.
O pontevedrés Pepe Solla era, un ano máis, un dos favoritos para sumar unha segunda estrela ao seu restaurante de San Salvador de Poio, pero as quinielas fallaron.
Na gala que se celebrou este mércores no Hostal dos Reis Católicos de Santiago anunciáronse 14 novos restaurantes españois cunha estrela e dous novos establecementos con dúas estrelas Michelin. No apartado das tres estrelas Michelín non houbo novas incorporacións.
Os 14 novos nomes complétaos o compostelán Casa Marcelo, que recupera unha estrela que xa ostentou no pasado e que, tras perdela e recuperala en 2010, devolveu antes de iniciar un proceso de reformulación do seu concepto.
Xunto a Casa Marcelo figuran outros 12 establecementos galegos que xa contaban o pasado ano cunha estrela Michelín, Yayo Daporta (Cambados), Culler de Pau (O Grove), Casa Solla (Poio), Pepe Vieira (Raxó), A Estación (Cambre), Alborada (A Coruña), Árbore da Vieira (A Coruña), As Garzas (Malpica), Nova (Ourense), Retiro da Costiña (Santa Comba), Silabario (Tui) e Maruja Limón (Vigo).
Relacionadas:
-
O cociñeiro Pepe Solla será o pregoeiro das festas de San Xoán en Poio
Por Redacción |
-
Do colexio... á cociña de Casa Solla
Por Alejandro Espiño |
-
Un 'efémero' Culler de Pau en Madrid: Javier Olleros cocinará en The Table By durante un mes
Por Alejandro Espiño |
-
Pepe Solla, Yayo Daporta, Javier Olleros e Pepe Vieira revalidan, un ano máis, as súas estrelas Michelín
Por Alejandro Espiño |
-
"A cociña galega vive un momento fantástico. Nunca houbo tanta xente facendo cousas tan interesantes"
Por Alejandro Espiño & Mónica Patxot |
-
Casa Solla, Culler de Pau, Pepe Vieira e Yayo Daporta renovan un ano máis a súa estrela Michelín
Por Redacción |