Lores, en Hong Kong: "Estou sorprendido polo gran interese que está a xenerar Pontevedra"
Por Alejandro Espiño
As primeiras horas da delegación pontevedresa en Hong Kong están sendo máis proveitosas do inicialmente previsto. Tras un primeiro contacto cun grupo de empresarios locais, o alcalde de Pontevedra, Miguel Anxo Fernández Lores, destacou o "gran interese" que está espertando esta visita en "certos sectores económicos" da cidade chinesa. Hai xa varias empresas que se amosan dispostas a importar diferentes produtos feitos en Galicia.
Estes contactos continuarán nos próximos días e terá unha cita importante o vindeiro mércores. A Asia-Spain Association, unha organización formada por empresarios e executivos con intereses comerciais en España, está a preparar unha cea na que o alcalde aproveitará para tratar de abrir camiño á promoción turística da cidade e mesmo avaliar posibles relacións comerciais con empresas locais.
"Esta é unha viaxe moi interesante porque pode dar lugar a novos intercambios", sinalou Fernández Lores no seu primeiro día en Hong Kong. Este interese en facer negocios con Pontevedra esténdese tamén a tres cidades chinesas -Jinjiang, Changxing e Foshan- que queren aprender da experiencia pontevedresa nos ámbitos de mobilidade, seguridade viaria e accesibilidade. De feito, Foshan amosou a súa vontade de ‘irmandarse’ coa cidade do Lérez.
Antes dese encontro empresarial, Pontevedra recollerá un novo recoñecemento internacional ao seu modelo urbano. A Fundación Prospectiva e Innovación, unha organización francesa presidida na actualidade polo ex primeiro ministro galo Jean-Pierre Raffarin, faralle entrega ao alcalde do premio Cidade de Mobilidade Intelixente Euro-China 2015. Será dentro do China International New Energy Vehicle, unha feira internacional do sector automovilístico.
O premio que recibirá Pontevedra enmárcase na categoría Deseño e Planificación Urbana, que distingue experiencias de novas cidades, zonas de baixas emisións de contaminantes. Xunta a ela premiaranse, en distintas categorías, outras 19 cidades chinesas e 20 europeas, vencelladas todas elas pola súa aposta a prol da chamada mobilidade intelixente.
Na mesma xornada, Pontevedra presentará un vídeo sobre a cidade e defenderá o seu modelo nunha mesa redonda na que Daniel Macenlle, intendentre principal de la Policía Local, falará da transformación da capital e os resultados medibles dunha experiencia cuxo afán é mellorar a calidade de vida urbana e coidar das persoas. De feito, a recuperación de espazos públicos para o goce cidadán e a diminución da contaminación foron factores determinantes para a concesión do galardón.
Relacionadas:
-
Lores enxalza as virtudes do modelo de sustentabilidade urbana de Pontevedra no Foro das Cidades de Madrid
Por Redacción |
-
Empresarios chineses visitarán Pontevedra na primavera para analizar oportunidades de negocio
Por Alejandro Espiño |
-
Unha empresa da Illa de Arousa, principal exportadora de ostra galega a Hong Kong
Por Alejandro Espiño |
-
Pontevedra, premiada en Hong Kong: Lores recolle un novo galardón ao modelo urbano
Por Alejandro Espiño |
-
Jean-Pierre Raffarin, ex primeiro ministro francés: "Tedes unha visión moi humana da mobilidade"
Por Alejandro Espiño |
-
Unha apaixoada de Pontevedra, interesada en mellorar as relacións comerciais entre Asia e España
Por Alejandro Espiño |
-
Álex Rodríguez, un pontevedrés que logrou abrirse camiño no sector audiovisual de Hong Kong
Por Alejandro Espiño |
-
A 'outra mobilidade' de Pontevedra, exemplo "revelador" para a Fundación Pons
Por Alejandro Espiño |
-
Dubái, Nova York e Hong Kong, premios para unha Pontevedra convertida en referente
Por Redacción |
-
Pontevedra, a Hong Kong para recibir en novembro un novo premio internacional
Por Alejandro Espiño |