O PP 'salta' á Xunta e insta o Concello a pedir a cesión da estrada vella a Marín e humanizala
Por Redacción
Jacobo Moreira asume as reivindicacións do colectivo Masa Crítica con respecto á PO-546, a coñecida como estrada vella a Marín.
Entende que é necesario elaborar un proxecto de mellora da seguridade e humanización deste viario, consensuado con usuarios e veciños da zona. Pero en lugar de pedirllo á titular da estrada, a Xunta de Galicia, insta ao goberno municipal a solicitar a cesión da mesma e que o Concello asuma ese investimento.
Así llo solicitarán ao goberno de Fernández Lores nunha moción que presentarán ao Pleno municipal o próximo 30 de novembro e similar a outra presentada por Marea na sesión plenaria de setembro, aprobada por unanimidade -Partido Popular incluído-, na que entre outras medidas instábase á Xunta a que procedese á rehabilitación integral desta estrada.
Agora, Moreira asegura que dado que esta vía posúe características urbanas "sería oportuno que o Concello solicitase a titularidade e poder así, dende Pontevedra, decidir as melloras que se deben acometer na PO-546".
Relacionadas:
-
A Xunta estuda a cesión parcial ao Concello da estrada vella de Marín
Por Oskar Viéitez |
-
Pedaladas lamenta que a Xunta rexeite mellorar a estrada vella de Marín
Por Redacción |
-
Pontevedra xa é un Concello contrario aos circos con animais
Por Cristina Saiz & Anxo Lourido |
-
O colectivo ciclista agradece o acordo político para mellorar a súa seguridade viaria
Por Oskar Viéitez |
-
Marea esixe a reforma integral da vella estrada a Marín e o traslado do tráfico pesado á PO-11
Por Redacción |
-
Os ciclistas propoñen a entrada de vehículos pesados a Ence pola avenida de Marín
Por Redacción |