O goberno local trasladará á oposición un borrador do orzamento sen "liñas vermellas"
Por Oskar Viéitez
O concelleiro de Facenda do Concello de Pontevedra, Raimundo González, presentou este martes o borrador do orzamento municipal sen "liñas vermellas" que este mércores trasladará aos grupos da oposición para que fagan as súas achegas.
"Evidentemente é posible mover algunhas partidas", comentou Raimundo González, "se hai xogo". E pediu á oposición que sexan "responsables" coas súas propostas "se se poñen cartos nun lado teñen que dicir de onde os quítan".
A intención do goberno nacionalista é que o orzamento quede aprobado a principios do mes de decembro. Neste sentido, Raimundo González precisou que, nestes momentos "non hai acordo con ninguén".
Debuxado a grandes trazos as contas do Concello para o 2016 elévanse ata os 71.515.000 euros. Este incremento débese ás inspeccións tributarias postas en marcha nos últimos meses que permitiron incrementar os ingresos.
Destaca o o orzamento os 10,7 millóns que se van a destinar ao capítulo de investimentos, que Raimundo González resumiu nun "compromiso forte polo medioambiente", con "apostas decididas" como son a rede de rede de sumidoiros, zonas verdes, creación de sendas, abastecemento de auga, composteiros ou eficiencia lumínica. Un segundo capítulo, pola súa contía, constitúeno as instalacións deportivas (herba sintética, mellora e construción de pavillóns). Finalmente, Raimundo González referiuse ás obras de accesibilidade urbana e no rural.
En canto ás operacións correntes, en persoal gastará 20,3 millóns; en gasto corrente 32; en financeiro 396.000; e en transferencias correntes 4,8 millóns.
Relacionadas:
-
Tino Fernández propón unha alternativa ao orzamento "tramposo" dun BNG con "discrepancias internas"
Por Natalia Puga |
-
Unha redistribución fiscal ou a remunicipalización de servizos, propostas de Marea para o orzamento
Por Alejandro Espiño |
-
Moreira avanza o voto en contra do PP a un orzamento que "oprime" aos cidadáns
Por Alejandro Espiño |
-
O PP só aprobará o orzamento do goberno local se o alcalde baixa os impostos
Por Redacción |
-
Pontevedra contará en 2016 cun orzamento que superará os 71 millóns de euros
Por Alejandro Espiño |