A vítima do crime de Ponte Sampaio tiña feridas por terse defendido do seu agresor
Por Natalia Puga
Conchi Reguera Peón, vítima do crime machista do 24 de outubro na parroquia de Ponte Sampaio, tentou defenderse do seu agresor cando a atacou pouco antes das catro da madrugada no cruzamento que comunica o centro da localidade con Acevedo. Segundo se desprende dos poucos datos que transcenderon da autopsia realizada á falecida, ten múltiples feridas defensivas.
A muller recibiu numerosas puñaladas, centradas na zona do torso, que presuntamente o seu ex mozo, José Antonio Lusquiños Bustelo, 'Coco', en prisión preventiva por esta causa, lle fixo cunha navalla. A autopsia permitiu establecer como é a arma do crime, pero segue sen aparecer. A pesar de que non se localizou a arma do crime, os investigadores da Unidade de Delincuencia Especializada e Violenta da Policía Nacional (UDEF) consideran que o caso está moi atado e teñen xa un relato pechado de como ocorreu o crime.
Unha das probas contundentes é o coche da familia da vítima na que escapou o detido tras o crime. Foi localizado no monte de Ameán, no lugar de Vilar, a poucos quilómetros do cruzamento onde morreu Conchi Reguera, e minuciosamente analizado por efectivos da Policía Científica ao mediodía do sábado, poucas horas despois dos feitos e antes de que a familia dela se fixera cargo do mesmo. Na zona do asento do condutor aparecen múltiples rastros de sangue e os investigadores barallan como hipótese que o detido a acoitelou mentres ela estaba no asento do condutor.
A hipótese que se manexa en relación co crime de Conchi Reguera é que o seu ex mozo, co que mantivo unha relación entre a pasada primavera e o mes de agosto, non aceptaba que ela decidise romper os vínculos e empezou a insistirlle en retomalos. Empezou a enviarlle numerosas mensaxes de Whatsapp e ela mesmo se sentiu angustiada. Na madrugada do sábado, esperouna no cruzamento entre Ponte Sampaio e Acevedo, un lugar no que ela adoitaba dar a volta para ir cara á súa casa e, cando lle viu chegar, sobre as 3.50 horas, abordouna. Ela non chegou a saír do coche.
Non se sabe que pasou cando se atoparon, pero un veciño si presenciou o final: viu como un home acoitelaba a Conchi na rúa e logo fuxía no coche dela logo de sacala do interior e deixala tirada na rúa. El tentou socorrela xunto á súa muller e outros veciños, pero cando chegaron os servizos sanitarios xa estaba morta. O sospeitoso fuxiu ata que o coche lle xogou unha mala pasada en Vilar e logo descoñécese como chegou ata a casa dos seus pais en Soutomaior, onde foi detido sobre as dez da mañá nunha leira situada a uns 50 metros mentres tentaba escapar.
Relacionadas:
-
O acusado do crime de Ponte Sampaio pide perdón á familia e volve confesar: "Me cegué"
Por Natalia Puga & Mónica Patxot |
-
O autor confeso do crime machista de Ponte Sampaio, a xuízo
Por Natalia Puga | Creada e actualizada
-
O "muy arrepentido" autor confeso do crime machista de Ponte Sampaio será xulgado en decembro
Por Natalia Puga |
-
O detido polo asasinato machista de Conchi enfróntase a 20 anos de prisión e 25 de 'exilio' de Ponte Sampaio
Por Natalia Puga |
-
A asociación Mulleres en pé acudirá como acusación á causa pola morte de Conchi Reguera
Por Redacción |
-
A violencia machista en Pontevedra: menos ordes de protección e denuncias, máis chamadas ao 016
Por Natalia Puga |
-
Cando che digan: "Es miña", responde: "Tes o ticket?"
Por Natalia Puga |
-
A Xunta persónase como acusación particular no caso do crime machista de Ponte Sampaio
Por Redacción |
-
Como é o detido polo crime de Ponte Sampaio?
Por Natalia Puga |
-
O detido polo crime de Ponte Sampaio recoñece os feitos mentres a arma segue sen aparecer
Por Natalia Puga |
-
"Salí al balcón y la estaba apuñalando. Yo le chillé que la dejara. La cosió a cuchilladas"
Por Natalia Puga |
-
Prisión comunicada e sen fianza para o detido polo crime machista de Ponte Sampaio
Por Natalia Puga | Creada e actualizada
-
Dúas familias esnaquizadas: a dela evita o velorio e a del chámalle "asesino mal nacido"
Por Natalia Puga |
-
A fuxida frustrada do presunto asasino de Conchi
Por Natalia Puga & Diego Torrado |