Os veciños de Augasantas demandan o ensanche da estrada PO-234 a Ponte Caldelas
Por Redacción
Representantes da asociación de veciños de Augasantas mantivo este xoves un encontro de traballo co alcalde de Cotobade, Jorge Cubela, no que os veciños demandaron o ensanche da estrada PO-234 que comunica con Ponte Caldelas.
O alcalde trasladoulles o compromiso de que a mellora desta estrada autonómica será "unha prioridade para esixir á Xunta durante esta lexislatura" e recoñeceu que se trata dunha "demanda histórica".
O proxecto ten un orzamento que supera os 2 millóns de euros e contempla o ensanche da plataforma do vial ata os 7 metros (2 carrís de 3 metros e beiravías de 50 centímetros). Ademais rectificaranse varias curvas. Así mesmo está prevista a construción de sendas peonís ou beirarrúas en 3 zonas: na entrada de Augasantas, na travesía de Laxoso e na entrada ao centro urbano de Ponte Caldelas.
Ademáis na reunión valoraron as actuacións feitas polo goberno local na consecución das obras de mellora da Casa do Pobo, co que o alcalde mostrou a súa disposición para colaborar coa asociación para darlle máis uso e fomentar as actividades de interese municipal no propio local.
Tamén se falou da situación de inseguridad vial creada tras a reposición do firme no vial municipal que une Paciños con Mataporcos, cunha reposición de firme en aglomerado en quente ao longo de 4 quilómetros, financiada pola Deputación cunha inversión de 96.000 euros. O problema é que os coches agora circulan a grande velocidade, polo que solicitaron ao alcalde o apoio para colocar bandas reductoras de velocidade nalgúns tramos con escasa visibilidade.
Cubela tamén expuxo a intención do Concello de sumarse ao plan de composteiros comunitarios que promove a Deputación, para o cal a asociación comprometeuse a tratalo cos veciños da parroquia na vindeira asamblea.
Relacionadas:
-
A reforma da estrada PO-234 é a "crónica dunha cacicada anunciada"
Por Redacción |
-
Andrés Díaz acusa á conselleira de infraestruturas de "demagoga" coa estrada Laxoso-Augasantas
Por Redacción |
-
Ethel Vázquez supervisa en Cotobade varios proxectos de accesibilidade e seguridade viaria
Por Redacción |
-
Ponte Caldelas solicita á Xunta unha xuntanza urxente para abordar o problema da atención de emerxencias
Por Redacción |
-
En pé de guerra contra a Xunta pola mellora da estrada autonómica PO-234
Por Redacción |
-
Os veciños de Laxoso esíxenlle á Xunta a mellora da estrada de Augasantas
Por Redacción |
-
Os alcaldes de Ponte Caldelas e Cotobade solicitan á Xunta a mellora da estrada PO-234
Por Redacción |