Cespa comezará a encargarse das zonas verdes da cidade antes de que acabe o mes
Por Alejandro Espiño
Tras presentar a documentación requirida e liquidar certos reparos técnicos, Cespa é xa de forma definitiva a empresa adxudicataria do servizo de coidado e conservación de xardíns e zonas verdes de Pontevedra.
A intención do goberno municipal é que a empresa se faga cargo do servizo para partir do 15 de outubro, aínda que posibles reclamacións das demais firmas licitantes poderían atrasalo ata final de mes.
En concreto, Cespa asumirá este servizo o próximos catro anos (prorrogables dous máis) e cobrará anualmente 613.750 euros, IVE incluído.
O Concello espera que este novo contrato supoña unha "mellora importante" no coidado das 88 hectáreas que deberán coidar os operarios da empresa, xunto cos 120.000 metros cadrados a maiores ofertados como mellora durante a licitación.
Segundo Luís Bará, responsable de Parques e Xardíns, ao goberno municipal úrxelle que entre a traballar a empresa porque a plantación de especies de tempada e novas árbores está paralizada actualmente, á espera da firma do contrato.
PP PIDE INFORMACION SOBRE CESPA
Ao fío desta adxudicación, o Partido Popular afirmou que o goberno de Fernández Lores debe ofrecer explicacións "claras e contundentes" acerca da súa vinculación cos enfuches de traballadores en Cespa, nos que segundo os informes policiais, actuarán como mentores varios membros do goberno municipal.
Juan Luís Martín pregúntase se esta situación pode ter relación coas dúas prórrogas "tan generosas" concedidas a esta empresa en 2011 e 2014 no contrato de limpeza viaria e recollida de lixo. Os populares denuncian que os nacionalistas"solo reaccionan cuando la justicia está por medio" e lamentan que o nome de Pontevedra "se manche" por este tipo de cuestións.
Relacionadas:
-
O PP solicita unha comisión de investigación sobre os contratos de Cespa co Concello
Por Alejandro Espiño |
-
A Fiscalía denuncia ao goberno local de Pontevedra polo caso Elsamex
Por Oskar Viéitez |
-
Cespa asumirá o mantemento de xardíns e zonas verdes os próximos catro anos
Por Alejandro Espiño |
-
Tres empresas dispútanse, a priori, o novo contrato de xardíns de Pontevedra
Por Redacción |