O BNG, disposto a preguntar barrio por barrio se os veciños queren retirar os lombos
Por Redacción
A intención da oposición de acordar unha ordenanza para regular a instalación de lombos na cidade e a creación de tres vías sanitarias libres destes badéns atopou resposta no goberno municipal. E o BNG lanza un órdago. Os nacionalistas están dispostos a consultar aos veciños, barrio por barrio, se queren retirar os lombos que hai en cada un dos seus ámbitos.
Este "referendo popular", ao que se refire o concelleiro Luís Bará, poñerase en marcha xa o vindeiro martes na reunión que xa estaba prevista en Os Campos para presentar aos veciños os detalles do proxecto definitivo da mellora do acceso a Monte Porreiro por esa zona da cidade. Neste viario están previstos varios lombos para acougar o tráfico e mellorar a seguridade viaria nas inmediacións da UNED.
Os demais encontros iranse celebrando, segundo o edil nacionalista, en todos aqueles barrios onde a oposición pide que se supriman estas medidas de acougado de tráfico como Médico Ballina, Orillamar, A Seca ou Conde Bugallal, vías que segundo PP, PSdeG-PSOE, Marea e Ciudadanos, deben quedar libre deste tipo de construcións para permitir un acceso máis rápido e cómodo ao Hospital de Montecelo.
En todo caso, onde si se mostra máis flexible o BNG é en poder corrixir algúns dos lombos que se colocaron recentemente nalgunhas zonas da cidade.
Xa se fixo, a petición dos veciños ou por recomendacións dos técnicos, por exemplo na nova rúa da Estación onde, segundo apuntou recentemente o alcalde, el mesmo deu a orde para que se rebaixasen ao estar demasiado altos.
Relacionadas:
-
Bombeiros, Médico Ballina e O Pino, punto de partida das vías sanitarias libres de lombos
Por Alejandro Espiño |
-
O PSOE pide "coherencia" a Bará e que se reúna cos veciños de Moldes para falar dos lombos
Por Redacción |
-
En Os Campos din 'si' aos lombos
Por Alejandro Espiño |
-
O PP aclara que "estamos a favor" dos lombos, incluso en vías sanitarias, se son "legales"
Por Alejandro Espiño |
-
Luís Bará non quere que a súa reunión cos veciños de Monte Porreiro se converta noutro pleno
Por Oskar Viéitez |
-
Familiares de vítimas de atropelos farán pedagoxía social sobre a necesidade do uso dos lombos
Por Redacción |
-
O PP elaborará unha ordenanza que regule as características dos lombos
Por Cristina Saiz & Oskar Viéitez |
-
Bará, ante o veto da oposición aos lombos de Montecelo: "Que se atrevan a dar o paso a gobernar xuntos"
Por Alejandro Espiño |
-
Veciños e técnicos sanitarios plantan cara á febre dos 'lombos'
Por Mónica Patxot & Natalia Puga |