Os colexios apuran as últimas obras antes da volta do alumnado
Por Redacción
O regreso do alumnado aos colexios está xa ao caer e, antes de que as aulas volvan encherse de vida co inicio do curso escolar 2015-2016 fixado para o 10 de setembro en Infantil e Primaria, o Concello de Pontevedra está a ultimar as obras de acondicionamento e posta a punto dos centros.
Un primeiro investimento municipal de 59.448,29 euros xa permitiu executar obras de arranxo do pavimento dunha aula infantil do CEIP A Xunqueira I (2.217,41 euros); arranxo do peche no CEIP Vilaverde- Mourente (387,20 euros), reforma da marquesiña do acceso principal ao CEIP de Campañó; reparación e restitución de fiestras da planta baixa do CEIP de Campolongo (48.750,90 euros); e tratamento anti termitas no CEIP Froebel (3.388 euros). Esta última actuación terá un período de execución e seguimento de dous anos.
Este investimento compleméntase con traballos de limpeza e mantemento que realizaron as brigadas municipais en centros como A Xunqueira I, Santo André de Xeve y A Parda e cunha segunda partida de 43.748,30 euros para un conxunto de obras que comezan a executarse nesta semana.
Así, realizaranse labores de mantemento do pintado interior da EEI Fina Casalderrey (9.811,89 euros), reparacións varias no parque infantil do CEIP Álvarez Limeses (8.825,14 euros), labores de mantemento do pintado interior no CEIP Cabanas-Salcedo (7.033,87 euros) e labores de mantemento e mellora de condicións de seguridade do pavimento exterior no CEIP Vilaverde- Mourente.
Relacionadas:
-
Reiniciando... os nenos adaptan o seu sistema operativo ao novo curso
Por Mónica Patxot & Natalia Puga |
-
Case 100.000 euros para a reforma da cuberta do IES Sánchez Cantón
Por Alejandro Espiño & Mónica Patxot |
-
Obras de mellora poñen a punto os colexios de A Laxe, Carballal e Seixo
Por Redacción |
-
Educación investirá 180.000 euros nos dous institutos de Sanxenxo
Por Redacción |
-
Agustín Fernández acusa á Xunta e á Deputación de non afrontar obras nos colexios públicos de Pontevedra
Por Redacción |