Esixen á Xunta que se "posicione" e emita un informe desfavorable á continuidade de ENCE
Por Alejandro Espiño
O Concello de Pontevedra insta a Xunta de Galicia a que emita un informe desfavorable sobre a solicitude de prórroga que presentou ENCE para continuar en Lourizán. A través dun acordo da Xunta de Goberno, que será remitido á administración autonómica, esixen ao executivo de Núñez Feijóo que "se posicione claramente" e poña fin á súa "ambigüidade" en relación á permanencia da pasteira na Ría de Pontevedra.
O goberno municipal entende que a Xunta de Galicia, no exercicio das súas competencias exclusivas en ordenación do territorio, debe opoñerse á continuidade de ENCE xa que a prórroga solicitada sería "incompatible" coas directrices de Ordenación do Territorio e do Plan de Ordenación do Litoral (POL).
A voceira do goberno, Anabel Gulías, destacou que "é hora" de que a Xunta diga que o complexo industrial de Lourizán é un "lastre" para o medio ambiente e para as perspectivas sociais e económicas de Pontevedra e a súa ría. Deben situarse, sinalou, "ao lado dos veciños e veciñas de Pontevedra e deixar de defender os intereses da empresa".
RESPOSTA DO PP
Pola súa banda, dende o Partido Popular recoñecen que a localización da fábrica "non é a mellor", pero entenden que nos tempos que corren e ante os datos de desemprego que se rexistran na cidade "non podemos permitirnos o peche da fábrica de ENCE", sobre todo cando, aseguran, a fábrica "está a cumprir coa normativa ambiental".
Neste sentido, os populares lamentan nun comunicado que Pontevedra se convertese nunha cidade "hostil" para a industria e a xeración de emprego e critican que o goberno municipal "lonxe de cambiar esta situación mantén a súa actitude déspota e totalmente contraria á realidade social que viven nosos veciños".
Relacionadas:
-
Carmela Silva tira de hemeroteca para cargar tintas contra o PP sobre ENCE: "Cambiou radicalmente a súa postura"
Por Natalia Puga |
-
O PP dubida que Carmela Silva actuase igual con ENCE "se se tratase dunha empresa de Vigo"
Por Redacción |
-
Para a CIG, "ENCE ten un problema, que é a ubicación"
Por Redacción |
-
A Deputación, contra ENCE: Carmela Silva súmase á "ofensiva" de Lores para que "desapareza" da ría
Por Alejandro Espiño |
-
Carmela Silva evita pronunciarse sobre a permanencia de ENCE na Ría de Pontevedra
Por Natalia Puga |
-
O goberno local cualifica de "crime contra a Ría de Pontevedra" a solicitude de prórroga presentada por ENCE
Por Oskar Viéitez |
-
Costas ratifica a concesión de ENCE e sinala que o único que incumpre é o campo de fútbol dos Praceres
Por Oskar Viéitez |