Pontevedra pagará a metade da débeda de Sogama este ano e o resto en 2016
Por Oskar Viéitez
A Sociedade Galega do Medio Ambiente (Sogama) xa remitiu ao Concello de Pontevedra o borrador do convenio para o pagamento da débeda.
En total Pontevedra dispón de 11 meses para aboar máis de 4,7 millóns de euros en dous pagamentos, o primeiro de 2,5 millóns pagarase este ano e a outra metade antes de xullo de 2016, segundo informaron fontes oficiais de Sogama.
A urxente necesidade de liquidez da sociedade que xestiona os lixos en Galicia levou a presentar este borrador cuns prazos máis axustados do que o goberno local esperaba.
A factura mensual que Sogama pasa ao Concello é de 190.000 euros a razón de 74 euros por tonelada de lixo, fronte aos 55 euros que pagaba o concello ata agora en virtude do convenio de 1999 que acaba de ser anulado pola Xustiza.
O Partido Popular espera que o goberno local de explicacións no seo da comisión informativa de Facenda sobre se esta suba repercutirá no prezo do recibo dos pontevedreses.
Relacionadas:
-
O Concello adianta os prazos que se marcara para o pago da débeda a Sogama
Por Natalia Puga |
-
Pontevedra acabará de pagar a débeda con Sogama en xuño de 2016
Por Alejandro Espiño |
-
Sogama condona máis de 500.000 euros para pechar o acordo con Pontevedra pola súa débeda
Por Alejandro Espiño |
-
O PSOE quere que o alcalde dea explicacións da súa reunión con Feijóo na xunta de voceiros
Por Oskar Viéitez |
-
Feijóo e Lores chegan a un principio de acordo para pagar a débeda con Sogama
Por Oskar Viéitez |
-
O PP reclamará ao Goberno local os datos sobre a cantidade total da débeda acumulada con Sogama
Por Redacción |