Póñense en marcha as reformas das rúas José Millán e Javier Puig
Por Oskar Viéitez
A Xunta de Goberno do Concello de Pontevedra celebrada este luns acaba de poñer en marcha as reformas das rúas Javier Puig e José Millán.
O edil voceiro do goberno municipal, Raimundo González, explicou que a rúa Javier Puig terá un presuposto de 437.328 euros. O proxecto de reforma dispón que a nova rúa terá unha fila de aparcadoiro a man dereita. As beirarrúas serán ampliadas ata alcanzar os 3,20 metros.
Ademais renovaranse totalmente as redes de auga potable, saneamento e iluminación pública, que están completamente obsoletas.
Máis económica resulta a reforma da rúa José Millán que recibirá 285.234 euros. Esta diferenza no presuposto débese a que recentemente foi renovada a rede de abastecemento de auga, pero será necesaria a dotación de novas canalizacións de saneamento e pluviais así como o soterramento do tendido eléctrico.
O proxecto deseñado para esta rúa considera o mantemento das zonas de aparcadoiro en ambos os dous lados, grazas á anchura do vial.
Relacionadas:
-
EC Casas reformará a rúa Javier Puig por cen mil euros menos do prezo de licitación
Por Oskar Viéitez |
-
Á rehabilitación integral da rúa Javier Puig sáenlle 32 pretendentes, 14 de Pontevedra
Por Redacción |
-
33 empresas presentan ofertas para acometer a rehabilitación integral da rúa José Millán
Por Redacción |
-
Médico Ballina e o ámbito dos centros de saúde da Parda e Monte Porreiro, en obras antes de final de ano
Por Alejandro Espiño |
-
Urbanismo investirá un millón de euros na reforma de Javier Puig, José Millán e Lepanto
Por Redacción |