O Rei acode sen Letizia á entrega de despachos á primeira promoción universitaria
Por Oskar Viéitez & Cristina Saiz
O Rei Felipe VI presidiu este xoves na Escola Naval Militar de Marín (Pontevedra) o acto de xura de bandeira dos alumnos de primeiro curso e a entrega de Reais Despachos aos novos Oficiais da Armada, que ademais conforman a primeira promoción de alumnos do Centro Universitario da Defensa (CUD) que obtén simultáneamente un despacho de oficial e o título de grao en Enxeñaría Mecánica pola Universidade de Vigo.
O Monarca, que acudiu sen a Raíña Letizia, foi recibido coas 21 salvas de honra e a interpretación do Himno Nacional. Á súa chegada á Escola, Felipe VI foi saudado polo Almirante Xefe do Estado Maior da Armada, o Ministro de Defensa, o Presidente da Xunta e o Comandante Director da Escola Naval, e posteriormente pasou revista ás brigadas de alumnos e mariñeiría formados na explanada do centro que, inmediatamente desfilaron ante o Rei para dar comezo á cerimonia oficial.
En total finalizaron os seus respectivos estudos e recibiron os Reais Despachos 80 alumnos e xuraron bandeira un total de "48 cabaleiros e unha dama".
Un feito "histórico notable", destacado Comandante Director da Escola Naval, Juan Luis Sobrino, é que esta foi a primeira cerimonia na que todos os alumnos da Escola, se encontran concernidos polo novo plan de carreira establecido na Lei da Carreira Militar de 2007 e, polo tanto, foi a primeira vez na que os alumnos que hoxe egresan o fan con título universitario do sistema educativo xeral, maioritariamente, o de Enxeñeiro Mecánico pola Universidade de Vigo.
Esta titulación foi impartida polo Centro Universitario da Defensa adscrito á citada Universidade, establecido nesta Escola no primeiro semestre de 2009, e que comezou a súa navegación no curso 2010-2011.
Segundo destacou o Comandante Director da Escola, José Luis Sobrino, estes oficiais finalizaron unha formación académica "similar nas súas tres cuartas partes á que ata o ano 2010 se realizaba neste centro".
Ao dirixirse a eles por última vez como alumnos, no seu discurso o Comandante Director recordoulles tres aspectos fundamentais que deben "coidar e propiciar a partir de hoxe", que son a "exemplaridade, a resiliencia e a humildade".
Este acto militar coincide coa celebración do Día da Virxe do Carmen, patroa da Armada, ocasión coa que acudiu puntualmente ao recinto castrense o buque escola Juan Sebastián de Elcano poñendo fin ao seu 86 cruceiro de instrución. Ademais fronte á Escola permaneceu fondeada a fragata Méndez Núñez e os patrulleiros Serviola e Tabarca.
PRIMEIRA VEZ COMO MONARCA
É a primeira vez que o Rei acode como monarca a este acontecemento, posto que a súa anterior visita á Escola Naval Militar, o pasado mes de setembro, foi con motivo do 25 aniversario da súa promoción de guardiamarinas correspondente a 1989, ano no que o actual Monarca, obtivo, tras catro meses de formación mariña e unha singladura a bordo do buque escola Juan Sebastián de Elcano, o seu despacho de alférez de navío.
Relacionadas:
-
Nin o Rei, nin Rajoy, nin o Elcano asistirán á entrega de Reais Despachos en Marín
Por Redacción |
-
Ecos de sociedade
Por Redacción |
-
O novo comandante director da Escola Naval, de visita polo Concello e a Deputación
Por Redacción & Cristina Saiz |
-
86 alumnos e unha moza de Sanxenxo
Por Oskar Viéitez & Mónica Patxot |
-
Visita oficial ao Concello do novo Comandante Director da Escola Naval
Por Redacción |
-
Hospitalizados tres policías que revisaban a seguridade do Rei nos sumidoiros de Marín
Por Redacción |
-
"Elcano", botábate de menos
Por Cristina Saiz |
-
A Escola Naval de Marín celebra a súa primeira promoción universitaria
Por Oskar Viéitez |
-
Vémonos o Día do Carme en Marín
Por Redacción |