A Fundación Lago de Castiñeiras preséntase en sociedade cunha "xuntanza"
Por Oskar Viéitez
A Fundación Lago de Castiñeiras Cotorredondo preséntase en sociedade coa Primeira Xuntanza Comuneira.
A cita será o próximo domingo, segundo informan os organizadores, isto é as catro comunidades de Montes que forman esta fundación: San Xulián de Marín, San Martiño de Vilaboa, Santomé de Piñeiro de Marín e Santa Cristina de Cobres de Vilaboa.
A fundación aproveitará a xuntanza para explicar os últimos avances no seu proxecto para recuperar e poñer en valor esta paraxe natural, definindo un sistema de xestión e explotación sostible do espazo mediante a creación dun xardín botánico, un arboreto e o desenvolvemento de de diferentes iniciativas ambientais, turísticas, científicas, de ocio e socioculturais.
A xuntanza arrancará ás 12 da mañá e terá un carácter festivo cun “xantar comuneiro”, pulpeiros, actuacións musicais e actividades divulgativas.
Relacionadas:
-
As comunidades de montes presentarán un Plan Director para a mellora do Lago de Castiñeiras
Por Oskar Viéitez |
-
Volverán as barbacoas ao lago Castiñeiras?
Por Redacción |
-
Este domingo inaugúrase o Espazo Natural e Arqueolóxico dos Sete Camiños
Por Oskar Viéitez |
-
A Deputación de Pontevedra integrarase na Fundación Lago Castiñeiras
Por Oskar Viéitez |