O sorteo do cupón da ONCE deixou 175.000 euros en Pontevedra
Por Oskar Viéitez
Elena Álvarez estaba radiante este xoves. Onte á noite o sorteo do cupón da ONCE do mércores 1 de xullo, repartiu a sorte na cidade de Pontevedra, onde resultaron agraciados cinco cupóns con premio ás cinco cifras, obtendo 35.000 euros cada un e 175.000 euros os cinco en total.
"Estou feliz coma se me tocara a min", dicía esta mañá Elena. Ela é a axente vendedora que repartiu a sorte desde o seu posto de venda no centro da cidade, concretamente no número 22 da rúa Cobián Roffignac.
"De momento non teño nin idea de a quen lle tocou", confesaba nerviosa.
En vinte anos que leva vendendo o cupón este é o primeiro premio importante que reparte, antes houbo outros, pero nunca desta cuantía, "Ogallá empece a racha".