A APDR teme que o Campionato de Triatlon e a calor resten asistencia á marcha contra Ence
Por Anxo Lourido
Antón Masa, presidente da Asociación pola Defensa da Ría (APDR), afirmou na mañá deste xoves 18 de xuño que máis de corenta colectivos, entre asociacións e partidos políticos, apoian a 28 Marcha contra Ence que partirá este sábado 20 a partir das 19.30 horas das alamedas de Marín e Pontevedra en dirección á entidade pastera.
Non obstante, o colectivo teme que nesta ocasión sufran unha diminución de asistencia, despois de que o pasado ano chegasen a un millar de participantes, debido á coincidencia co Campionato de España de Triatlón e polas altas temperaturas que se esperan para a xornada do sábado con máis de 30 graos nas Rías Baixas. A degustación de polbo prevista tras a marcha será detrás do Concello de Pontevedra.
O líder da APDR compareceu ante os medios acompañado por José Rodríguez Muñiz, o vicepresidente dun novo colectivo, a Asociación polo Saneamento da Ría, formada principalmente por máis de corenta propietarios de bateas, na súa maioría de Portonovo.
Masa apuntou que todos os partidos políticos, salvo o PP e Cidadáns, que non se pronunciou en relación a este tema, apoian a marcha deste sábado e continúan sumando apoios. Con este obxectivo, este xoves a partir das 19.30 horas, a asociación realizará na praza da Peregrina unha sesión de photocall coa ría de fondo sen a presenza da fábrica pastera.
ALEGACIÓNS Á DECISIÓN DE COSTAS
O presidente da APDR cualificou de "insultante" a decisión da Dirección Xeral de Costas, que propón declarar a caducidade parcial da concesión da pasteira e, polo tanto, permitiría a solicitude de prórroga da fábrica en Lourizán despois de 2018, cando finaliza a actual concesión. E sinalou que dende o colectivo ecoloxista se presentarán alegacións.
Masa insistiu en que o Partido Popular debería sacar conclusións dos resultados das últimas eleccións cando, segundo expuxo, os cidadáns apoiaron os partidos que pedían o peche de Ence e Elnosa.
Relacionadas:
-
A APDR alega contra o informe de Costas sobre a caducidade parcial da concesión de ENCE
Por Daniel Santomé & Natalia Puga |
-
Mosquera fía a un cambio de goberno en Madrid a "única esperanza" de frear a ENCE
Por Alejandro Espiño | Creada e actualizada
-
APDR 'viste' as estatuas da cidade con máscaras para protestar contra ENCE
Por Redacción |
-
Defensa da Ría de Pontevedra afirma que nas últimas eleccións gañou o "Non a Celulosas"
Por Redacción |