Eleccións 24M: O BNG roza a maioría absoluta con 12 concelleiros; o PP desplómase e queda con 7
Por Redacción
Creada e actualizada
Creada e actualizada
O BNG queda ás portas da maioría absoluta. Un 43,08% dos pontevedreses (17.050 votos) avalaron a candidatura encabezada por Miguel Anxo Fernández Lores. Son case catro puntos máis que nas eleccións do ano 2011. Con este resultado, os nacionalistas pasan de 11 a 12 concelleiros e logra o mellor resultado da súa historia. Sitúanse como a forza máis votada en Pontevedra, algo que xa conseguiran hai doce anos.
Pola contra, o Partido Popular derrúbase na cidade do presidente do Goberno, Mariano Rajoy. Perde catro representantes, pasando de 11 a 7. A lista encabezada por Jacobo Moreira logra o 27,10% de apoios entre os habitantes de Pontevedra (10.725 votos) e caen doce puntos e case 7.000 votos con respecto ás últimas eleccións municipais.
O PSdeG-PSOE de Agustín Fernández logra manter o resultado de 2011 e repite con 3 concelleiros na corporación municipal. Seus son 4.277 votos, un 10,81% do total. Aínda así, comparado con hai catro anos, déixanse algo máis de dous puntos e preto de 1.600 sufraxios.
O outro gran titular, á parte da clara vitoria do BNG, é a entrada na corporación de dous novos partidos que cambian o mapa político municipal. Trátase de Marea Pontevedra que logra dous concelleiros, tras obter 3.222 votos, un 8,14% do total; e Ciudadanos que, con 2.268 votos (5,73%) logra acta de concelleira para a súa cabeza de lista, María Rey.
As outras tres formacións que se presentaron a estas eleccións quedan fóra do próximo Concello. Tod@s por Pontevedra de María Biempica logrou 723 votos (1,83%), Compromiso por Galicia 324 votos (0,82%) e UPyD pecha a lista con 259 votos (0,65%).
Relacionadas:
-
Lores presenta un goberno con poucos cambios: "O que funciona ben non é o convinte cambialo"
Por Alejandro Espiño |
-
Lores: "Ata o día 13 non sei se serei elixido alcalde"
Por Natalia Puga & Mónica Patxot |
-
Lores varreu no centro urbano e impúxose en doce parroquias do rural
Por Alejandro Espiño |
-
Así queda a nova corporación municipal de Pontevedra
Por Alejandro Espiño |
-
María Rey, orgullosa do apoio recibido polos pontevedreses para converterse en nova concelleira
Por Mónica Patxot & Anxo Lourido |
-
"Satisfacción" socialista por manter tres concelleiros "nunhas condicións moi adversas"
Por Diego Espiño |
-
Lores celebra uns "espectaculares" resultados en Pontevedra: "Nunca gañamos con tanta diferenza e claridade"
Por Alejandro Espiño & Mónica Patxot |
-
Jacobo Moreira non pensa na dimisión "ahora mismo" pero asume "todas las responsabilidades"
Por Oskar Viéitez & Cristina Saiz |
-
Marea Pontevedra celebra os dous concelleiros obtidos ao berro de "Foi posible"
Por Anxo Lourido & Mónica Patxot |
-
Eleccións 24M: un 46,34% dos pontevedreses votaron ata as seis da tarde, cinco puntos menos que no 2011
Por Alejandro Espiño & Diego Torrado | Creada e actualizada
-
Eleccións 24M: Lores, o máis madrugador; Moreira, Agustín Fernández e María Rey, os máis familiares
Por Alejandro Espiño & Diego Torrado |