Doce empresas optan á obra para peonalizar a fronte do Hospital Provincial
Por Natalia Puga
Doce empresas de construción presentaron ofertas para executar as obras de peonalización da rúa Loureiro Crespo no tramo situado diante do Hospital Provincial. A actuación, presupostada en 417.778,81 euros, ten como finalidade crear unha gran praza pública peonil de 1.200 metros cadrados.
O voceiro do Goberno local, Raimundo González, indicou que as empresas que optan á obra son Naturgalia, Conservia Rehabilitación y Servicios, Obras, reformas y saneamientos, Construcciones Ramírez, Construcciones EC Casas, Stradia Infraestructura, Constructora Ediserpo, Movimiento de Áridos y Construcciones de Arosa, Abilleira CPA, UTE Acebi - Montajes JM Iglesias, Construcciones obras y viales e Excavaciones y obras Melchor.
Ao longo dos próximos días reunirase a mesa de contratación para analizar a documentación administrativa achegada polas empresas e posteriormente procederase á apertura dos sobres coas ofertas e melloras económicas. Segundo se deu a coñecer nos últimos meses, o Concello calcula que o procedemento de contratación se iniciará no mes de xuño e as obras terán un prazo de execución de tres a catro meses, de tal forma que estean rematadas antes de que finalice o ano 2015.
A actuación afectará ao tramo comprendido entre a rúa Cobián Areal e a entrada ao servizo de Urxencias do Hospital Provincial con obxectivo de crear un espazo de preferencia peonil, plataforma única, plantación de árbores e novo mobiliario urbano.
Esta transformación urbana levará aparellada cambios na circulación do tráfico en todo este ámbito. Os coches xa non poderán circular por diante do Hospital Provincial e inverterase o sentido da circulación en Loureiro Crespo dende a rotonda do 12 de novembro con José Malvar, de tal forma que os vehículos de emerxencia e servizos poderán chegar ao hospital dende alí. Esta nova praza pública obrigará tamén a cambiar a parada de taxis actual.
Relacionadas:
-
O Concello elixe lousas ecolóxicas para a nova praza diante do Hospital
Por Redacción |
-
A peonalización diante do Hospital Provincial afectará tamén a Casimiro Gómez
Por Natalia Puga & Cristina Saiz |
-
A eliminación do muro do Hospital Provincial ten que ser autorizada por Sanidade e Patrimonio
Por Oskar Viéitez |
-
O goberno local estuda eliminar o muro do Hospital Provincial para integrar o recinto na nova praza
Por Redacción |
-
Proxéctase a mellora da seguridade peonil en Montecelo coa construción de beirarrúas
Por Redacción |
-
O próximo goberno local de Pontevedra adxudicará a peonalización da fronte do Hospital
Por Oskar Viéitez |
-
A praza fronte ao Hospital Provincial adxudicarase en tres meses
Por Oskar Viéitez |
-
Crearán unha gran praza pública e peonil en Loureiro Crespo, diante do Hospital Provincial
Por Alejandro Espiño |