Ence deféndese das últimas críticas asegurando que xera "800 empregos directos, indirectos e inducidos" na bisbarra
Por Diego Espiño
O presidente da Xunta de Galicia comparou recentemente o impacto de ENCE en Pontevedra co de Citroen en Vigo ou Inditex na Coruña, o que non tardaron en contrarrestar por un lado o alcalde de Pontevedra, Miguel Anxo Fernández Lores, asegurando que as posibilidades para o marisqueo ou o turismo náutico xerarían "máis emprego que ENCE", ou máis recentemente Marea Pontevedra, que cifrou os postos de traballos directos da pasteira en 220.
Ante esas críticas a propia empresa quixo saír á palestra para defender o impacto que a súa actividade xera en Galicia.
Fíxoo mostrando os datos dun informe elaborado por KPMG en 2013, no que se cifran os empregos que xera a factoría de Lourizán en "800 directos, indirectos e inducidos en Pontevedra e a súa bisbarra".
Esa cifra, segundo ENCE, ascendería a 1.300 empregos na provincia e a 5.048 en toda Galicia, o que supoñería que o 30% dos traballadores do sector forestal da comunidade estarían relacionados con ENCE.
Segundo expón a pasteira, no Centro de Operacións de Lourizán están contratadas 330 persoas de xeito directo, pero "cada día na fábrica traballan aproximadamente máis dun centenar de persoas vinculadas a empresas contratistas que manteñen contratos de longa duración con ENCE".
Toda esta actividade transformadora de madeira xera, segundo a empresa sobre a base do informe de KPMG, unha achega ao PIB galego de 459,4 millóns de euros.
Relacionadas:
-
ENCE ule mal tres minutos e medio ao día
Por Oskar Viéitez |
-
Lores: "A Núñez Feijóo impórtalle un bledo o que pensan os pontevedreses sobre ENCE"
Por Alejandro Espiño |
-
Agustín Fernández pídelle a Pedro Sánchez que recupere a Lei de Costas se accede ao Goberno
Por Redacción |
-
Feijóo anuncia que abrirá no Parlamento un debate sobre a continuidade de Ence en Pontevedra
Por Oskar Viéitez & Mónica Patxot |
-
Que contrapartidas se lle esixen a Ence a cambio da súa permanencia?
Por Oskar Viéitez |
-
A permanencia de Ence dependerá da súa "apuesta" por "beneficiar muy directamente" á cidade
Por Oskar Viéitez |
-
Núñez Feijóo asegura que ENCE en Pontevedra é "como Citroen en Vigo ou Inditex na Coruña"
Por Redacción |