A Procesión do Santo Enterro volve encher de fieis as rúas do centro histórico
Por Diego Torrado
Numerosas persoas asistiron durante este Venres Santo á procesión do Santo Enterro, na que non faltaron responsables políticos e militares para acompañar as imaxes deste tradicional paso.
As confrarías da Nosa Señora do Amor Fermoso, do Gremio de Mareantes, da Maior Dor, do Silencio, do noso Padre Jesús, da Veracruz e Misericordia e do Espírito Santo realizaron o percorrido partindo da Basílica de Santa María pasando por diferentes rúas do centro da cidade e do casco histórico ata regresar ao paseo de Santa María.
A procesión péchase coa presenza do Lignum Crucis que realiza o percorrido baixo palio. O candidato do Partido Popular á alcaldía, Jacobo Moreira, acompañado por varios dos concelleiros do seu partido e a candidata de Todos por Pontevedra, María Biempica, sumáronse ao acto procesional que contou coa participación da Banda de Música da Brilat e da Escola Naval Militar de Marín, ademais de moitos menores que formaban parte das distintas confrarías.