O TSXG denega outro intento da Avogacía do Estado para evitar os derrubamentos do porto de Marín
Por Oskar Viéitez
O Tribunal Superior de Xustiza de Galicia (TSXG) fixo público este venres un auto no que rexeita un recurso para evitar o derrubamento dos recheos no porto de Marín.
O recurso fora interposto pola Avogacía do Estado en representación da Xunta, a Autoridade Portuaria, a Deputación e o Concello de Marín, ademais dun grupo de empresas radicadas nos recheos ilegalizados.
Este novo auto rexeita a posibilidade de recorrer a ratificación da orde de demolición dos recheos ante o Tribunal Supremo.
Os maxistrados do alto tribunal galego entenden que este asunto xa foi abordado e sentenciado na sentenza da que agora o TSXG pide o seu cumprimento negando a remisión do expediente ao Supremo.
A Avogacía do Estado pode recorrer agora en queixa ao Supremo para tratar de que decida se quere volver intervir no asunto
OUTRAS FRONTES ABERTAS
O TSXG aínda ten que resolver un incidente de executabilidade da sentenza que decreta as demolicións. Ademais as empresas afectadas presentaron un recurso de amparo ante o Tribunal Constitucional.
Relacionadas:
-
O Supremo é incapaz de distinguir os recheos ilegais do Porto de Marín
Por Oskar Viéitez |
-
Piden ao Concello de Marín un pleno monográfico para abordar o futuro do porto
Por Redacción |
-
A 'Plataforma de apoio á industria' traslada ao Porto "todo nuestro apoyo" en relación aos recheos
Por Diego Espiño |
-
A Plataforma dos Praceres pide o cesamento da actividade da nave de Cabomar Congelados
Por Oskar Viéitez | Creada e actualizada