Inician a terceira campaña de control na poboación de gatos nas rúas da cidade
Por Redacción
O Concello de Pontevedra, coa colaboración da asociación Difusión Felina e de 20 voluntarios, levará a cabo a terceira campaña de control de poboación de gatos nas rúas da cidade.
Segundo explicou o concelleiro de Sanidade Animal, Miguel Filgueira, trátase de "coller, esterilizar e ceibar" aos gatos que compoñen as colonias localizadas no centro urbano.
Nas dúas campañas anteriores conseguiuse chegar a 180 animais, mentres nesta ocasión o obxectivo é controlar "entre 80 e 90 máis", sinalou Filgueira.
Contan cun presuposto de 5.000 euros e pretenden ademais elaborar un censo e un inventario das colonias que se reparten por diferentes zonas da cidade.
Ademais sinalizaranse con carteis as zonas nas que os voluntarios están a actuar para un maior coñecemento dos veciños.
Relacionadas:
-
Vaipolorío propón á Asociación Difusión Felina para o premio Cidade de Pontevedra
Por Oskar Viéitez |
-
VÍDEO.- Denuncian o abandono de 19 gatos nunha semana, 15 en bolsas atadas en colectores
Por Natalia Puga |
-
Denuncian novos episodios de envelenamento de gatos en Pasarón, Fernández Ladreda e Pintor Laxeiro
Por Redacción |
-
Situación de alarma na asociación Difusión Felina: máis de 20 abandonos en once días
Por Elsa Juliá Sánchez |
-
Os Palleiros, Adopcións Galicia e Difusión Felina coinciencian aos pontevedreses sobre a adopción de animais
Por Diego Espiño |