A praza fronte ao Hospital Provincial adxudicarase en tres meses
Por Oskar Viéitez
O concelleiro de Obras, Luis Bará explicou que na Comisión de Infraestruturas celebrada este luns abordouse o proxecto de creación dunha gran praza diante do Hospital Provincial. Este proxecto será licitado nos próximos días e o propósito é que todo o procedemento administrativo poida estar resolto no prazo duns tres meses.
Luís Bará recordou que se trata de facer unha gran praza entre a rúa Cobián Areal e as Urxencias do Hospital, que terá unha superficie aproximada duns 1.200 metros cadrados que se urbanizarán en lastro de pedra e formigón.
Esta obra, que terá un custe de licitación de 417.000 euros, suporá unha transformación moi substancial neste ámbito incrementando a súa calidade urbana.
Aínda que será unha praza pública, será compatible co tráfico rodado en circunstancias excepcionais como nos desfiles de Reis, do Entroido ou calquera outra actividade destas características.
Relacionadas:
-
Doce empresas optan á obra para peonalizar a fronte do Hospital Provincial
Por Natalia Puga |
-
120.000 euros para melloras en sinalización e pavimentación de varias rúas
Por Redacción |
-
O próximo goberno local de Pontevedra adxudicará a peonalización da fronte do Hospital
Por Oskar Viéitez |
-
Crearán unha gran praza pública e peonil en Loureiro Crespo, diante do Hospital Provincial
Por Alejandro Espiño |