Aprazado o desfile de Entroido de Pontevedra por mor do mal tempo
Por Diego Espiño
De novo o mal tempo trastorna a programación prevista no carnaval pontevedrés. Por segundo ano consecutivo a concellaría de Festas viuse abligada a suspender o desfile de Entroido previsto para este sábado 14 de febreiro.
A seguridade foi o motivo que máis pesou na decisión ante o risco que supoñía a chuvia para os grupos electróxenos cos que van equipados moitos dos grupos e comparsas, cos que se consultou a decisión.
Malia que as previsións apuntaban dende hai uns días á caída de chuvias durante a tarde do sábado, o Concello de Pontevedra esperou ata media mañá para decidir coa esperanza de non ter que chegar a suspender o principal acto do seu programa festivo.
O desfile trasládase así ao sábado 21 de febreiro ás 17:00 horas, co mesmo percorrido saíndo dende Xosé Malvar para percorrer Loureiro Crespo, Benito Corbal, Peregrina, Michelena, Praza de España e Alameda.
Pola súa banda o acto previsto para ese sábado, o enterro de Ravachol, pasa ao domingo 22 como peche das principais citas do Entroido, pero adiántase ás 20:30 horas.
Relacionadas:
-
A chuvia desloce a celebración da Mostra da Parodia
Por Redacción |
-
Ravachol vístese de 'Cremamóbil: incineracións a domicilio' para festexar o Entroido 2015
Por Redacción |
-
Once grupos participan no XXIV Concurso de Murgas
Por Redacción |
-
Amoriños de Bora abre "o mellor carnaval urbano de Galicia"
Por Diego Espiño & Diego Torrado |
-
As chuvias dificultarán a celebración do Entroido durante este sábado e o luns
Por Redacción |
-
O desfile do sábado de Entroido, pendente das previsións de MeteoGalicia
Por Redacción |