Unha sentenza anula a cláusula solo porque o banco non informou o particular
Por Oskar Viéitez
A Audiencia Provincial de Pontevedra anulou a cláusula solo dun particular ao entender que o banco ten obriga de informar o comprador aínda que non interveña formalmente na venda.
A devandita cláusula estaba incluída nun préstamo hipotecario entre unha entidade financeira e o promotor dun edificio na rúa Alcalde García Filgueira, en Pontevedra, no que se subrogara un particular ao comprar unha das vivendas ao promotor.
Segundo informou este luns o Consello Xeral do Poder Xudicial (CGPJ), a Sección Primeira da Audiencia Provincial de Pontevedra, especializada en materia mercantil, declarou abusiva e, polo tanto, nula esta cláusula solo incorporada nun contrato de préstamo do ano 2007.
Unha vez finalizada a obra, subrogouse o comprador ao adquirir unha das vivendas do inmoble, sen que a prestamista interviñese nesta última operación. Na sentenza, da que foi relator o maxistrado Manuel Almenar, fállase contra Caixa España (hoxe Banco Ceiss) e dáse a razón ao particular afectado.
Relacionadas:
-
A Audiencia dita a primeira sentenza na que se aplica o fallo das cláusulas solo
Por Oskar Viéitez |
-
A Audiencia de Pontevedra declara nulas por primeira vez dúas cláusulas hipotecarias que considera abusivas
Por Redacción |
-
A Audiencia de Pontevedra anula de novo por abusiva a cláusula solo utilizada en préstamos hipotecarios
Por Redacción |
-
A Audiencia de Pontevedra anula, por abusivas, catro cláusulas habituais das hipotecas
Por Natalia Puga |
-
Un pontevedrés consegue que lle devolvan 11.509 euros pola cláusula solo
Por Oskar Viéitez |