Chega outro temporal para o mércores
Por Oskar Viéitez
O mércores virá outro temporal, ou como se lles denomina agora, outro fenómeno adverso chegará a Galicia, está vez de vento que, previsiblemente, motivará a activación de alertas tanto en mar como en terra, indicaron desde Meteogalicia.
Polo momento, hoxe continúa activada a alerta laranxa por mar de fondo, con ondas que nalgúns casos poderán chegar ata os sete metros.
Un aviso que ao longo da mañá de hoxe remitirá a amarelo e desactivarase conforme acabe a xornada.
Segundo datos de Meteogalicia as localidades galegas nas que máis litros de auga por metro cadrado rexistraron desde o pasado xoves son Santa Comda e Lousame, na provincia da Coruña; Poio, Tui e Fornelos de Montes en Pontevedra; e Entrimo en Ourense.
En concreto, a estación do Castrove, en Poio leva 262,4 litros de auga por metro cadrado.
Ademais, a localidade cuns maiores datos foi a pontevedresa de Fornelos de Montes, onde se acumularon 303,8 litros por metro cadrado.