Ata setembro presentáronse 1.680 denuncias por malos tratos na provincia
Por Redacción
Segundo os datos actualizados do Consello Xeral do Poder Xudicial, o número de denuncias por malos tratos presentadas ata finais de setembro, ascenden a 1.680 na provincia de Pontevedra. A secretaria xeral da Igualdade, Susana López Abella, deu conta destes datos este venres nunha rolda de prensa.
O ano pasado a lacra da violencia de xénero supuxo a morte de seis mulleres en Galicia e os xulgados ditaron ordes de protección, medidas cautelares e ordes de afastamento sobre 816 mulleres, 187 menos que no ano 2013.
O servizo telefónico de atención a protección móvil para vítimas da violencia de xénero (ATENPRO), atendeu a un total de 443 mulleres.
Grazas ao sistema de seguemento de agresores por medios telemáticos das medidas de afastamento, foron controlados 24 agresores con sistemas telemáticos para asegurar o cumprimento da orde.
O programa de atención psicolóxica a mulleres que sufran violencia de xénero e para os menores, así como outras persoas dependentes que vivan ou padezan estas situacións de violencia de xénero, atendeu 252 mulleres, 93 menores e 10 persoas dependentes. E mediante o programa Abramos o círculo, de atención psicolóxica a homes con problemas de control da violencia no ámbito da parella atenderonse a 93 homes, 14 máis que no ano 2013.
Ademáis López Abella fixo balance das axudas e recursos postos a disposición das vítimas de violencia de xénero durante o ano pasado, destacando que no 2014 atendéronse todas as solicitudes de axudas económicas a mulleres vítimas de violencia de xénero que cumprían os requisitos.
Relacionadas:
-
Oitenta mulleres vítimas de violencia de xénero e 39 menores reciben atención psicolóxica en Pontevedra
Por Redacción |
-
14 artistas do comic, contra a violencia de xénero no Museo Manuel Torres
Por Redacción |
-
Noemí Alonso, xornalista de RNE en Pontevedra, premio 'Periodismo Joven sobre violencia de género'
Por Alejandro Espiño |
-
Maltratar a golpes de clic
Por Redacción |
-
A pegada da violencia de xénero na cidade: sen cambios en 2014
Por Natalia Puga |