Campañó prepárase para loitar contra os incendios forestais
Por Redacción
O delegado territorial da Xunta en Pontevedra, José Manuel Cores Tourís, visitou este xoves acompañado do presidente da comunidade de montes, José María Domínguez Vidal, as obras executadas pola comunidade de montes de Campañó grazas á colaboración económica da Consellería de Medio Rural e do Mar co obxectivo de previr e loitar contra os incendios forestais.
Instalouse un depósito de auga cunha capacidade de 60 metros cúbicos e que tivo un custe de 8.150 euros.
Ademais se levan realizados diversos traballos de rareo e eliminación de restos de masas durante os últimos anos, cun investimento de 50.000 euros.
O monte de Campañó ten unha superficie de 424 hectáreas, e conta con 19,3 quilómetros de pistas, 4,5 hectáreas de cortalumes e 1,35 hectáreas de faixas auxiliares.