A Xunta insiste en que é "imposible volver á situación orixinal" cos recheos do Porto de Marín
Por Natalia Puga
A Xunta de Galicia insiste en que a execución da sentenza que ilegalizara os 300.000 metros de recheos realizados no Porto de Marín é "técnica e ambientalmente imposible".
A conselleira de Medio Ambiente, Territorio e Infraestruturas, Ethel Vázquez, insistiu este martes neste argumento, que o Goberno galego e os grupos parlamentarios do PP, o BNG e o PSdeG-PSOE xa achegaron no Parlamento, durante unha visita institucional ao Concello de Marín para participar na Comisión de Seguimento do Litoral.
Ethel Vázquez sinalou que "dende a Xunta de Galicia vemos que hai imposibilidade técnica de executar ese tema" e que "é imposible volver á situación orixinal" e previa aos recheos realizados pola Autoridade Portuaria de Marín e Ría de Pontevedra.
María Ramallo: "El Puerto tiene la razón, lo que falta es que se la den"
Avanzou que o obxectivo da Xunta é "traballar para buscar a solición xurídica correcta para que as propias empresas que operan no Porto de Marín sigan operando con garantía xurídica" e especificou que a Administración galega non pediu a inexecutabilidade da sentenza, senón que o organismo que é competente para facelo é a Autoridade Portuaria.
A alcaldesa de Marín, María Ramallo, indicou que, na súa opinión, "el Puerto tiene la razón, lo que falta es que se la den", pois "no se puede exigir normativas que en el año 2000 no estaban en vigor". Na súa opinión, hai que esperar a que o Tribunal Superior de Xustiza de Galicia resolva a petición de inexecutabilidade formulada pola Autoridade Portuaria e "agotar todos los cauces hasta el final" e "pelear todos los recursos hasta el final".
Relacionadas:
-
A Xunta fará "todo lo posible hasta el último momento" para evitar o derrubamento dos recheos do porto
Por Natalia Puga |
-
Rueda esgrime a "importancia socioeconómica" do Porto de Marín fronte á sentenza dos recheos
Por Oskar Viéitez |
-
O Supremo rexeita o recurso de catro empresas do Porto para anular o derrubamento dos recheos
Por Redacción |
-
CIG chama ao desacato da sentenza e pide á Fiscalía que procese aos responsables dos recheos do Porto
Por Oskar Viéitez |
-
AGE demanda que se execute a sentenza dos recheos do porto garantindo o 100% dos postos de traballo
Por Natalia Puga |