O iglú máis divertido está na praza de España
Por Mónica Patxot
Mentres os adultos fan as compras de Nadal e cumpren con compromisos que se multiplican nesta época do ano, os nenos gozan dentro dun iglú. A escena repetirase a partir deste venres en Pontevedra grazas á iniciativa Pontexogos, posta en marcha pola Concellaría de Promoción Económica para estimular as vendas en Nadal.
A concelleira do área, Carlota Román, inaugurou Pontexogos este venres pola mañá e a media tarde xa eran moitos os nenos que estreaban as instalacións, que este ano incorporan catro actividades no exterior da carpa: un minicine con capacidade para 20 nenos, un tiovivo, un rocódromo de oito metros e unha zona de xogos populares. As dúas últimas só estarán operativas cando as condicións meteorolóxicas o permitan.
Os nenos de entre 3 e 12 anos son os protagonistas deste paraíso lúdico, que inclúe unha zona de ludoteca adaptada a tres tramos de idade distintos; obradoiros de repostería ou panadería; actuacións de títeres, magos e contacontos; e circuítos de psicomotricidade ou patíns.
Todo en horario de 16.30 a 20.00 horas ata o 19 de decembro e de 11.00 a 13.30 e de 16.30 horas a 20.00 horas ata o 4 de xaneiro. Pechará, iso si, os días festivos do 25 de decembro e o 1 de xaneiro.
Relacionadas:
-
O tiovivo, atracción estrela dun Pontexogos que rexistrou máis de 20.000 accesos
Por Redacción |
-
Sete carrozas acompañarán os Reis Magos nunha Cabalgata que repartirá unha tonelada de caramelos
Por Alejandro Espiño |
-
Pontevedra 'on ice', volven as cuadas ao recinto feiral
Por Mónica Patxot |
-
Chegan os artesáns á praza do Teucro
Por Redacción |
-
Un rocódromo e un minicine, principais novidades de Pontexogos
Por Redacción |
-
Pontexogos: nenos entretidos mentres os pais mercan durante o Nadal
Por Anxo Lourido & Diego Torrado |
-
¡Todos a Pontexogos!
Por Diego Torrado |
-
"Pontexogos" achega cor ás compras de Nadal no comercio local
Por Diego Espiño |