Sanxenxo paralizará o abono da paga extraordinaria
Por Oskar Viéitez
O Goberno local propoñerá ao Pleno da Corporación municipal acordar a inmovilización, no presente exercicio, do crédito previsto para o abono das pagas.
Con iso, o Concello de Sanxenxo dará resposta á petición de información e remisión de documentación realizada onte pola Subdelegación do Goberno en Pontevedra por indicación da Dirección Xeral de Coordinación da Administración Periférica do Estado.
A solicitude cursada require tamén unha certificación dos conceptos retributivos contidos na nómina de decembro, así como dos acordos adoptados para incluír devanditos conceptos.
O Executivo sanxenxino levará este asunto á sesión extraordinaria do Pleno da Corporación prevista para o próximo día 21.