Protesta do personal de limpeza na Brilat coincidindo coa festividade militar
Por Redacción
O persoal da empresa Cleanet, concesionaria da limpeza das dependencias militares de Pontevedra, desenvolveu este luns unha nova protesta ás portas da Base da Brilat, en Figueirido, para reclamar o pagamento dos salarios pendentes.
"Cleanet non paga, Defensa solución, Queremos a paga, queremos cobrar" ou "Defensa ampara empresa pufeira", foron algunhas das consignas berradas por este grupo dunhas 30 persoas concentrábase con bandeiras e pancartas á entrada do recinto castrense convocadas polo sindicato CIG.
Os traballadores da empresa Cleanet, adxudicataria dende abril de 2013 do servizo de limpeza nas instalacións do Ministerio de Defensa a nivel estatal, non paga os salarios do persoal dende hai dous meses.
A secretaria comarcal da Federación de Servizos, Diana Rodríguez, anunciou que a CIG se dirixirá esta semana ao BNG para que interpele o ministro de Defensa no Congreso, a propósito dos non pagamentos de Cleanet.
Nos próximos días tamén se organizarán novos actos de protesta ante a Escola Naval Militar de Marín e a Subdelegación de Defensa en Pontevedra. Ademais convocarán paros parciais e desprazaranse ata Ferrol para participar na manifestación organizada polas súas compañeiras. En toda Galicia son un total de 90 traballadoras os afectados polos non pagamentos desta concesionaria.
Relacionadas:
-
O persoal de Cleanet reclamará tres salarios pendentes diante do Ministerio de Defensa en Madrid
Por Redacción |
-
Os traballadores de Cleanet seguen sen cobrar tres nóminas e farán folga o luns
Por Redacción |
-
Beatriz Mato presionará a Defensa no conflito das traballadoras de Cleanet
Por Oskar Viéitez |
-
Relevo na cúpula de Defensa en Pontevedra
Por Natalia Puga & Mónica Patxot |
-
Subdelegación pide ás traballadoras de Cleanet que anulen as protestas ante a Brilat o día da patroa
Por Oskar Viéitez | Creada e actualizada
-
O persoal de Cleanet na Brilat e na Escola Naval secunda un paro dunha hora
Por Redacción |
-
Os traballadores de Linorsa decidirán este venres se inician unha folga de limpeza nos centros de saúde
Por Redacción |