Maltratar a golpes de clic
Por Redacción
Previr que o uso das tecnoloxías das información e da comunicación sirvan para a violencia machista, sensibilizar acerca deste feito e fomentar un bo uso de internet, son os obxectivos da xornada 'Violencia de xénero en contextos dixitais', que terá lugar o próximo martes.
Ao redor de 75 alumnos e alumnas de segundo e terceiro curso de Educación Secundaria Obrigatoria serán os destinatarios desta iniciativa promovida polo CIM do Concello de Sanxenxo e que se desenvolverá nos tres centros educativos que imparten este ciclo.
Tal e como comentaron dende o Centro de Información á Muller, as charlas, cunha duración de noventa minutos, celebraranse utilizando un método activo, cooperativo, participativo e construtivo co obxectivo de abordar en grupo este tema, no que "a participación do alumnado será imprescindible".
Nesta intervención trataranse cuestións como o uso que lle dan os estudantes ás novas tecnoloxías; a súa utilización pública, privada e íntima e os perigos que leva consigo.
Esta actividade levarase a cabo no marco do acordo de colaboración asinado entre a Secretaría Xeral de Igualdade e a Federación Galega de Municipios e Provincias para a conformación dunha rede de entidades locais contra a violencia de xénero, na que participa o Concello de Sanxenxo.
Relacionadas:
-
Ata setembro presentáronse 1.680 denuncias por malos tratos na provincia
Por Redacción |
-
Colas de espectadores na posta de longo da aula de teatro do CIM
Por Diego Torrado |
-
Pontevedra plántalle cara á violencia de xénero
Por Redacción |
-
A pegada da violencia de xénero na cidade: sen cambios en 2014
Por Natalia Puga |
-
Calor humana para as vítimas de violencia de xénero fronte á frialdade da Administración
Por Natalia Puga & Mónica Patxot |
-
Dous traballos de grao e un de máster, gañadores dos premios Ernestina Otero
Por Redacción |